भटकंती भाग-२
तिथून पुढे आम्ही दाभोळला आलो. दाभोळ धोपवे फेरी बोट मार्गाने आम्ही जेट्टी वर पोहोचलो. तिथली गाड्यांची गर्दी पाहून ' मेरा नंबर कब आयेगा ' 🤔असा विचार मनात आला. मुलांना तर हा अनुभवच वेगळा होता. आपण आपली गाडी घेऊन पलीकडे जायचे म्हणजे इथे तर खाडी ओलांडून जायला पुल पण नाही, मग कसे जाणार? पण जेव्हा त्यांनी फेरी बोट आणि त्यातून गाडी न्यायची हे पाहिले तेव्हा त्यांनी आनंदाने उडीच मारली. चला! चला! म्हणून त्यांची गडबड सुरू झाली. तिथल्या लोकांनी सांगितल्याप्रमाणे शिस्तीत गाड्या एका मागोमाग एक बोटीत चढवल्या गेल्या. आधी मोठ्या गाड्या नंतर दुचाकी आणि मग सुरू झाला आमचा अदभुत पण छोटासाच प्रवास. १० मिनिटांची ती सफर काहीतरी वेगळा अनुभव देणारी होती. दुसऱ्या किनाऱ्याला जाईपर्यंत आम्ही फेरी बोटीचा मनमुराद आनंद घेतला. त्या किनाऱ्यावर पोहोचल्यावर आम्ही पुढे गोपाळगड पाहण्यासाठी निघालो. कोकणातील लाल माती म्हणजे नक्की कशी हे आम्हाला इथे दिसले. दाभोळचा प्रसिद्ध असा एनरॉन प्रकल्प आम्हाला दिसला. त्याला वळसा घालून आम्ही अंजनवेलकडे निघालो. गोपाळगड पाहण्यासाठी आधी गेलो. इथे आमची जरा निराशा झाली. प्रचंड वाढले...
